Мамыр айының 18-жұлдызында Қазақ мұнайының 120 жылдығына және Жастар жылына байланысты Маңғыстау облысы мұнай-газ саласы Жас мамандар кеңесі арасындағы IV «Ойдода» зияткерлік турнирі болып өтті. Ойынға өңкей білгірлерден құралған 8 команда қатысып, білім мен білік жарыстырды. Нәтижесінде логикалық сұрақтарға жауап беріп, көп ұпай жинаған өзенмұнайгаздық зерек команда бас жүлдеге ие болды. Оқығанның аты-оқыған-ау! Өзенмұнайгаздықтар есесін логикадан жібермеді.
«Бұрғылау», «СӨТБ», «ҚазГӨЗ», «ТМС», «ТКжҰҰКБ» жауапкершілігі шектеулі серіктестіктерден құралған топ жүлделі 1-орынды жеңіп алды. «ОКК», «ОТК», «МЭМ», «Теңіз Сервис» еңбек ұжымдарынан құралған «АНС» командасы 2-орынды қанжығаларына байлады. «ӨМС» мекемесі 3-орынды қанағат тұтты. «ОСК», «ҚБМ» мен бірге тұңғыш рет қатысқан «ҚазҒЗТИ», «Каспий битум» жауапкершілігі шектеулі серіктестері ынталандыру сыйлығын місе тұтты.
Жастар жылында-Жас мамандар арасында ұйымдастырылған білімділікті, ақылдылықты, тапқырлықты анықтайтын бұл шараның тәрбиелік мәні зор екені сөзсіз.
