Арнайы шақырылған қонақтардың қатарында ауған, тәжік-ауған шекарасындағы әскери қимылдар мен Таулы Қарабақ қақтығысына қатысқан жауынгерлер, сондай-ақ Чернобыль және Семей полигоны апаттарының зардабын жоюға ат салысқан азаматтар болды.
Шара барысында әлеуметтік саясат жөніндегі басқарушы директор Бауыржан Жұбаназаров пен БЖБ директоры Ықылас Меңдібай ардагерлерге алғыс айтып, жүрекжарды тілегін жеткізді.
– Өмір мен өлім арасындағы сын сәтте батырлық танытқан сіздердің ерліктеріңіз – ұрпаққа үлгі. Ерлік ешқашан ұмытылмайды. Ел намысын қорғаған жаужүрек жандарға тағзым етеміз, – деді Бауыржан Байғабылұлы.
Шара соңы жергілікті өнерпаздардың патриоттық рухтағы концерттік бағдарламасына ұласты
Қазіргі таңда құмар ойын тудырып отырған қауіп-қатердің күш алып бара жатқаны кім кімге де жасырын емес. Мемлекет деңгейінде көтерілген мәселені шешу, одан құтылу жолдарын талқылау мақсатында «Өзенмұнайгаздың» акт залында жиын өтті.
Басқосуға қала әкімінің орынбасары Жаңабай Аймағанбетов, ҚР Президенті жанындағы әйелдер ісі және отбасы демография саясаты бойынша ұлттық комиссия мүшесі, республикалық аналар кеңесінің төрайымы Нәзипа Ыдырысқызы, «ESBOL QORY» корпоратив қорының атқарушы директоры Жандос Ақтаев, Маңғыстау облысы әкімінің штаттан тыс кеңесшісі, облыстық ҚХА аналар кеңесі төрағасының орынбасары Жақсыгүл Маханбетова, облыстық ақсақалдар кеңесі төрағасы Оңайбек Әбділов, Жаңаөзен қоғамдық кеңесінің мүшесі, инженер энергетик Бауыржан Бердібайұлы, еңбек ұжымы қатысты.
– Лудоманияның талай шаңырақты ойран еткенін құлақ естіп, көз көріп отыр. Адам – әлсіз. Ол жеңіл жолмен ақша тауып, тез байып кеткісі келеді. Лудомания адамды байытпайды. Құмар ойынға шатылған ойыншы қарызға белшесінен батып, отбасынан, баспанасы мен көлігінен айырылып жатыр. «Жығылғанға жұдырық» демекші, соңғы кезде мектеп оқушылары арасында синтетика есірткісінің кең тарала бастауы да қоғамды алаңдатып отыр. Онлайн ойынды ермек еткен балаларымызды қазірден бастап қатаң қадағалау керек. Билік органдары онлайн ойыншылардың қаржылық операцияларын тоқтату мақсатында «eGov Mobile» электронды үкіметінің мобиль қосымшасы арқылы шектеу қойып, тыюға әрекет жасап жатыр. Құмар ойын деген құрдымға жұтылып бара жатқан адамдарды бүгін құтқармасақ, ертең кеш болады, – деді Нәзипа Ыдырысқызы.
Жиында баяндама оқыған спикерлер көпшілікті құмар ойынға тәуелділікпен бірлесе отырып күресуге шақырды.
№2 МГӨБ бастауыш партия ұйымы тыл ардагерлері Сүгір Балғабайұлы мен Зинел Бөлтековтің шаңырағына барып, Ұлы Жеңістің 80 жылдығы мерекесіне орай құтты болсын айтты.
«AMANAT» партиясының «Ардагерлерді ардақтайық» жобасы аясында өткен шараға қала әкімі Жансейіт Қайнарбаев бастаған бір топ азамат пен аталмыш бастауыш партия ұйымы төрағасы Мереке Құлбеков, орынбасары Жұлдыз Мұханбетқалиқызы, хатшысы Әбілқайыр Рамазанов қатысты.
– Бүгінгі бейбіт замандағы бақытты өміріміз үшін басын бәйгеге тіккен ата-әжелеріміздің ерлігіне басымыз жерге тигенше иіп тұрып, тағзым етеміз. Соғыс тарих бетіне көшкенімен, көңілден кетіп, жүректен өше қойған жоқ. Ерлік ұмытылмайды, – деді Мереке Зейноллаұлы.
Жастайынан ауыр еңбекке араласып, жеңісті күнді жақындатқан тыл ардагерлеріне алғыс айтылып, «Жеңіске 80 жыл» мерекелік медалі табысталды.
Ақсақалдар ақ батасын беріп, елдің амандығы мен бірлігін тіледі.
Шымкент қаласында «ҚазМұнайГаз» компаниялар тобының Жастар форумы өтіп жатыр.
Президент Қасым-Жомарт Тоқаев жариялаған «Жұмысшы мамандықтар жылы» аясында ұйымдастырылған іс-шараға «Өзенмұнайгаздан» 25 жас маман қатысып отыр.
– Қазіргі таңда «ҚазМұнайГаз» компаниялар тобында 13,5 мың жас маман бар. Кадр білігін арттыру – әлі де өзекті. Президент атап өткендей жасанды интеллектіні дамыту – экономиканы дамытатын күшке айналғаны жөн. Жасанды интеллект, операция менеджменті, өндірістегі көшбасшылық, жүйелі ойлау мен тиімді шешім қабылдау тақырыбында өтетін тренингтер жас маманның кәсіби тұрғыда өсуіне ықпал етеді, – деді шара шымылдығын ашқан «ҚазМұнайГаз» ҰК АҚ басшысы Асхат Хасенов.
Үш күнге созылатын форум білікті маман мәртебесін көтеріп, нағыз еңбек адамын дәріптей отырып, жастардың жан-жақты дамуына шексіз мүмкіндік береді.
Еңбекті қорғау және өнеркәсіптік қауіпсіздік департаменті 28 сәуір – Дүниежүзілік еңбекті қорғау күні аясында бірқатар іс-шара ұйымдастырды.
Өндірістік блоктың мәжіліс залында бас директордың өндіріс жөніндегі орынбасары Өсербай Тұрсабеков, 16 басқарма директоры, бас техникалық жетекшілері және экологтармен жиын өтті. Басқосуда еңбекті және қоршаған ортаны қорғау, өндірісте еңбек жағдайын жасау, жазатайым оқиғаның алдын алу, техника қауіпсіздігін сақтау мәселесі талқыланды.
Еңбекті қорғау мамандары шағын футбол, волейбол, көңілді старт сайысына қатысты. Қаладағы жағдайы төмен 17 отбасыға азық-түлік салынған пакет үлестіріп, қала мешітіне садақа берді.
Маңғыстау облысы экология департаменті басшысы Арман Жүсіпқалиев, бас директордың бірінші орынбасары Нұрбол Ділмағамбет пен бас директордың өндіріс жөніндегі орынбасары Өсербай Тұрсабеков тал еккен игі істің жанынан табылды.
ЕҚжӨҚД директоры Максим Күшбаев бастаған тағылымды шараны әріптестеріміздің өз күшімен атап өткенін айта кеткен жөн болар.
Компания бас директоры Жанболат Саймағанбетов және басшылық құрам №1,3 МГӨБ еңбек ұжымымен кездесіп, 2024 жылдың қорытындысы бойынша есеп берді.
Жиын барысында былтыр атқарылған жұмыстар жөнінде, нақтырақ айтатын болсақ, бас директордың бірінші орынбасары Нұрбол Ділмағамбет мұнай өндіру көрсеткіштері, кен орынды оңалту, өнімді көтеру, бас директордың экономика және қаржы жөніндегі орынбасары Қуаныш Бекмағанбетов компания кіріс-шығыны мен қаржылық жағдайы, әлеуметтік саясат жөніндегі басқарушы директор Бауыржан Жұбаназаров әлеуметтік сала бойынша баяндама жасады.
Мұнайшылар жұмысқа қатысты сұрақтарын қойып, тұщымды жауабын алды. Бас директор туындаған сұрақтарға байланысты тиісті тұлғаларға нақты тапсырма берді.
Жанболат Амангелдіұлы «Жұмыла көтерген жүктің жеңіл» екенін алға тарта отырып, әріптестерін мұнай жоспарын орындау жолында жемісті еңбек етуге шақырды.
Аталмыш шара өзге басқармаларда жалғасады.
№3 МГӨБ-тегі 225 адамы бар Скважиналарды жерасты жөндеу цехында заман талабына сай салынған 500 шаршы метрді құрайтын жаңа нысан бой көтеріп, мұнайшылар игілігіне берілді.
Салтанатты жиынға бас директор Жанболат Саймағанбетов, басшы азаматтар мен ардагер мұнайшылар қатысып, игі тілегін жеткізді.
– Тынымсыз еңбек етіп, тер төгіп жүрген Сіздерге арнап салынған ғимарат құтты болсын. Өңір бойына қан құйып, қазанымызға ас салып отырған мұнайымыз көп болғай. Баршамыздың отбасымызға амандық, дастарханымызға молшылық тілеймін!, – деді Жанболат Амангелдіұлы.
Мердігер «Макс-КМ» ЖШС өкілі цех бастығы Хамит Өтеулиевке нысанның символ кілтін табыстады.
Мұнай саласының ардагерлері Досмұхан Қосмұханұлы мен Шатай Ерғалиев лентасын қиды.
Компанияға қарасты №2,4 МГӨБ жұмыскерлері қоршаған ортаны таза ұстау мақсатында бастау алған «Таза Қазақстан» экологиялық акциясы аясында Рахат ауылындағы саябақ аумағына 90 түп жеміс көшетін отырғызды.
Бұл шараға бас директордың өндіріс жөніндегі орынбасары Өсербай Тұрсабеков, Әлеуметтік саясат жөніндегі басқарушы директор Бауыржан Жұбаназаров, басқарма директорлары мен қалалық әкімдік өкілдері қатысты.
– Еліміздің түкпір-түкпірінде өтіп жатқан экологиялық акцияның мән-маңызын жете түсінген мұнайшылар жұдырықтай жұмылып, іс-шараға белсенді қатысып жатыр. Біз «Таза Қазақстан» экологиялық акциясының тиімділігін сезініп отырмыз. Әрбір тұрғын қаланың тазалығы мен эко мәдениетіне жауапты, – деді Өсербай Сансызбайұлы.
