Жаңаөзен қаласы әкімінің міндетін атқарушы Мақсат Мұқаш тұрғындардың қала кіреберісіндегі «Өзенмұнайгаз саябағын» көркейтуге сүбелі үлес қосып жүрген бір топ мұнайшылар мен Спартакиада жеңісгерлерін қабылдап, риясыз алғысын білдірді.
– Желмен діріл қаққан жас шыбықтардың күні ертең жапырағы жайқалған діңі қатты, бұтағы мол, биік бәйтерекке айналары сөзсіз. Игі іске жеңін түріп, білек сыбанып ат салысқан әрбіріңізге рахмет айтамын, – деді Мақсат Асқарұлы.
Сондай-ақ қала басшысының міндетін атқарушы «ҚазМұнайГаз» Спартакиадасында топ жарып, қала атын шығарып жүрген спортшыларды мақтан тұтатынын жеткізді.
