Компанияның білімді де тәжірибелі мамандары Абзал Аманиязов, Әділжан Бекбаев, Бақтыгүл Ысқақовадан құрылған ішкі тренерлер тобы Кен орынды игеру департаменті бастамасымен тұңғыш рет инженерлер біліктілігін арттыру мақсатында тренинг ұйымдастырды.
12-13 сәуірде Зерттеу жұмыстар цехы скважиналарды зерттеу инженерлері Ақтау қаласы ҚазҒЗЖИ ғимаратында «Гидродинамикалық зерттеу жұмыстар – динамометрлеу» тақырыбы бойынша кәсіби шеберлігін шыңдады. Оқу процесі интерактивті түрде өткізілді, яғни теориялық ұғымдар практика процесімен ұштастырылды.
Алдағы уақытта Мұнай-газ өндіру басқармасы геологтары мен технологтарының біліктілігін арттыру мақсатында осы форматта оқыту тренингтер өткізу жоспарланды.
Шара геологтардың өзара сенім мен достығын нығайтты.
