«Жаңаөзен мұнайшыларының жергілікті кәсіподағы» ҚБ Қазақстан мұнайының 125, «Өзенмұнайгаздың» 60 жылдығы аясында салтанатты шара ұйымдастырды.
Кәсіподақ төрағасы Серік Бекбергенов, әлеуметтік саясат жөніндегі басқарушы директор Бауыржан Жұбаназаров, бас технолог Төлеген Ақназаров, бастауыш кәсіподақ төрағалары ел экономикасының дамуына зор үлес қосып жүрген мұнайшыларға алғысын жеткізді.
– Сіздерге мықты денсаулық, амандық, берекелі ғұмыр тілеймін. Алдағы уақытта да әрқайсыңыздың абыройыңыз артып, еңбегіңіз жана берсін! Кәсіби қызметтегі талпыныс ел игілігі үшін жұмсалсын. Табысты болыңыздар! – деді кәсіподақ төрағасы.
Салтанатты жиында 157 кәсіподақ мүшесі мерекелік медаль, кәсіподақ атынан Алғыс хат және қаржылай сыйлықпен марапатталды.
«Керуен» тобы өнерпаздары кеш көрігін қыздыра түсті.
Марапат құтты болсын, әріптестер!
