Компания басшылық құрамы №2,4 Мұнай газ өндіру басқармасы мен Мұнай өнеркәсібі құралдарын және телекоммуникацияларды жөндеу басқармасы еңбек ұжымымен кездесіп, 2025 жылдың жарты жылдық қорытындысы бойынша есеп берді.
Жиын барысында биыл алты айда атқарылған жұмыстар жөнінде, нақтырақ айтатын болсақ, бас директор Жанболат Саймағанбетов мұнай өндіру көрсеткіштері, бас директордың экономика және қаржы жөніндегі орынбасары Қуаныш Бекмағанбетов компания кіріс-шығыны мен қаржылық жағдайы, әлеуметтік саясат жөніндегі басқарушы директор Мұхамбетберді Суитов әлеуметтік сала бойынша баяндама жасады.
Мұнайшылар өндіріске қатысты сұрақтарын қойып, жауабын алды. Бас директор туындаған сұрақтарға байланысты тиісті тұлғаларға нақты тапсырма берді.
Жанболат Амангелдіұлы нәтижелі еңбектің кілті ауызбіршілікте екенін жеткізіп, жоспарды жүзеге асыруда жұмыла әрекет етуге шақырды.
Кездесу өзге басқармаларда жалғасады.
