«ҚазМұнайГаз» ҰК АҚ бастамасымен өткен жиында Өзен және Қарамандыбас кен орындарының мұнай өндіру тиімділігін арттыруға бағытталған зерттеу жұмыстарының алғашқы кезеңі қорытындыланды. Сонымен қатар геологиялық-техникалық іс-шаралар бағдарламасын (ГТМ) жүзеге асыру мәселесі талқыланды.
Кездесу барысында тараптар жаңа технологияларды енгізу, ғылыми-өндірістік тәжірибе алмасу және кен орындарындағы өзекті өндірістік мәселелерді шешудің тиімді жолдарын қарастырды.
Алдағы уақытта зерттеу нәтижесіне сүйене отырып, кен орындарының операциялық тиімділігін арттыру бойынша нақты ұсыныстар әзірлеу жоспарланып отыр.
