«Балақай» оңалту орталығында 33, 34-баланың тұсауы кесілді. Шараға Кенорнын игеру департаменті директоры Жасұлан Рзаев пен Әлеуметтік саясат және әкімшілік қамту департаменті директоры Мұхамбетберді Суитов қатысты.
Департамент директорлары 1 жас 10 айлық егіздер Ғалымжан Бердіхан мен Аяжан Бердіханның тұсауын кесіп, басқан қадамына құт тіледі. Сондай-ақ көлік сыйға тартты.
– «Өзенмұнайгаз» мұнайшылары ел игілігі үшін әрдайым қол ұшын созуға дайын. Сәбилеріміз ешқашан ауырмасын, болашағы тек жарқын болсын деген тілегіміз бар, - деді Жасұлан Берікұлы.
Көзіне еріксіз жас алған бүлдіршіндеріміздің әжесі орталық жұмысының толыққанды жұмыс жасауына сеп болып, жаңаөзендік балалардың емін-еркін ем алуына жағдай жасап отырған компания мұнайшыларына, «Балақайдың» мамандарына шексіз алғысын айтып, ризашылығын білдірді.
Ғалымжан мен Аяжанның жүрер жолы ұзын, шығар тауы биік, көрер қызығы мол болсын!
